کرک اگین اسپیشل ڈیسک
ائی سی سی ٹی 20 ورلڈکپ 2024 میں ٹیمیں بھی بڑھ گئی ہیں اور فارمیٹ بھی بدلا جائے گا۔سپر 12 ختم ہوگا اور سپر 8 اس کی جگہ لے گا۔یوں اس بار تو ویسٹ انڈیز ٹیم باہر ہوئی تھی،اگلے تبدیل شدہ فارمیٹ سے کئی ٹاپ ٹیمیں آئوٹ ہوسکتی ہیں۔ 2024 ورلڈ کپ کی میزبانی امریکہ اور ویسٹ انڈیز کریں گے۔ یہ جون 2024 میں ہونے کی توقع ہے۔ پورے ٹورنامنٹ میں 55 میچز ہوں گے۔
اگلے ٹی 20 ورلڈکپ کے لئے 12 ٹیمیں ابھی سے جگہ بناچکی ہیں۔ان میں امریکا اور ویسٹ انڈیز میزبان کے طور پر مین مرحلہ میں ہیں۔ان کے ساتھ انگلینڈ،آسٹریلیا،نیوزی لینڈ،پاکستان،بھارت،جنوبی افریقا،نیدرلینڈ،سری لنکا،افغانستان اور بنگلہ دیش کو ٹکٹ مل چکی ہے۔
کرکٹ کی دنیا میں انقلاب،سمارٹ بال لانچ ،ڈی آرایس تماشا بن جائے گا
ٹی 20ورلڈ کپ کی تاریخ کا اب تک کا سب سے بڑا ٹورنامنٹ2024 کا ہوگا،جس میں پہلی بار ریکارڈ تعداد 20 ٹیمز کی ہوگی۔پہلی بار امریکہ میزبان کے طور پر کوالیفائی کرے گا۔ ویسٹ انڈیز بھی آسٹریلیا میں سپر 12مرحلے کے لیے کوالیفائی کرنے میں ناکام رہنے کے باوجودمرکزی مرحلے میں ہوگا۔آسٹریلیا کے 2022 ورلڈ کپ میں 8 ٹاپ کارکردگی کا مظاہرہ کرنے والی ٹیمیں 14 نومبر2022 تک آئی سی سی درجہ بندی میں دو ٹاپ درجہ کی ٹیموں کے ساتھ خود بخود کوالیفائی کر چکی ہیں۔
اس کا مطلب یہ ہے کہ انگلینڈ، آسٹریلیا، بھارت، نیوزی لینڈ، پاکستان اور جنوبی افریقہ پہلے ہی 2024 میں اپنی جگہ حاصل کر چکے ہیں۔فائنل گروپ گیم میں نیدرلینڈز نے جنوبی افریقہ کو شکست دی جس سے وہ سری لنکا کے ساتھ کوالیفائی کرنے کے لیے شامل ہو گئے، جب کہ افغانستان اور بنگلہ دیش 12 ٹیموں میں شامل ہیں جنہوں نے ٹورنامنٹ میں خودکار جگہ حاصل کر لی ہے۔
پاک انگلینڈ ٹیسٹ سیریز،محمد عباس کا بڑا معاہدہ،بڑی دستک،راولپنڈی ٹیسٹ کہاں
اس کے علاوہ باقی آٹھ ٹیمز کا فیصلہ علاقائی کوالیفائر ایونٹس کے ذریعے ہو گا، جس میں افریقہ، ایشیا اور یورپ کی دودو ٹیمیں اور امریکہ اور مشرقی ایشیا اور پیسیفک (ای اے پی) کے علاقوں سے ایک ٹیم کوالیفائی کر ے گی۔مجموعی طور پر، 66 ٹیمیں آٹھ سیٹس کے لیے مقابلہ کر یں گی جن میں افریقہ سے 14، امریکہ سے آٹھ،ایشیا سے نو، ای پی ای سے سات اور یورپ کی 28 ٹیمیں ہیں۔
ورلڈ کپ کے لیے نیا فارمیٹ
آسٹریلیا میں ہونے والے ورلڈ کپ میں چار ٹیموں نے کوالیفائر کے ذریعے سپر 12 میں جگہ بنائی تھی۔اگلے ٹی 20 ورلڈکپ 2024 میں 20 ٹیموں کو چار گروپس میں تقسیم کیا جائے گا،ہر گروپ میں 5 ٹیمیں ہونگی۔ جس میں سے ہر گروپ میں سرفہرست دو ٹیمیں سپر 8 مرحلے میں پہنچ جائیں گی۔انہیں چار کے دو گروپس میں تقسیم کیا جائے گا اور ٹاپ دو ٹیمیں ناک آؤٹ مرحلے میں جائیں گی، جو دو سیمی فائنل اور ایک فائنل پر مشتمل ہوگا۔توسیع شدہ فارمیٹ 2030 ورلڈ کپ تک برقرار رہے گا، جس کی میزبانی انگلینڈ، آئرلینڈ اور اسکاٹ لینڈ مشترکہ طور پر کریں گے۔
