نجم سیٹھی رات گئے اچانک پی سی بی چھوڑ گئے،بڑا اعلان،بگ بریکنگ نیوز

لاہور،کرک اگین اسپیشل رپورٹ

نجم سیٹھی رات گئے اچانک پی سی بی چھوڑ گئے،بڑا اعلان،بگ بریکنگ نیوز۔کرکٹ بریکنگ نیوز،کرکٹ کی تازہ ترین بڑی خبر یہ ہے کہ پاکستان کرکٹ بورڈ کی منیجمنٹ کمیٹی کے چیئرمین نجم سیٹھی اچاک رات گئے مستعفی ہوگئے ہیں۔انہوں نے تاریخ بدلنے کے 50 منٹ کے بعد ایک سنسنی خیز ٹوئٹ کی ہے،جس کا حاصل حصول یہ ہے کہ

سب کو  سلام۔میں آصف زرداری اور شہباز شریف کے درمیان جھگڑا نہیں بننا چاہتا۔ ایسا عدم استحکام اور غیر یقینی صورتحال پی سی بی کے لیے اچھی نہیں ہے۔ ان حالات میں میں پی سی بی کی چیئرمین شپ کا امیدوار نہیں ہوں۔ تمام اسٹیک ہولڈرز کو گڈ لک۔

ورلڈکپ شیڈول،پاکستان کے تحفظات پر آئی سی سی کا جواب،شیڈول رونمائی سیٹ

یوں نجم سیٹھی نے چیئرمین شپ کے کسی مقابلہ یا اگلی مدت توسیع لینے سے انکار کردیا ہے۔

ذکا اشرف پاکستان پیلز پارٹی کی جانب سے نامزد امیداور ہونگے،ان کا سرکولیشن وزارت بین الصوبائی کی درخواست پر وزیر اعظم پاکستان شہباز شریف جاری کریں گے۔

یوں اسی حکومت نے نجم سیٹھی کو مقرر کیا تھا،پہلے120 روز کے لئے منیجمنٹ کمیٹی کا چیئرمین بنایا۔پھر مزید 2 ماہ کی توسیع دی گئی،جس کی مدت 21 جون کو ختم ہورہی ہے۔نئی سمری جاری نہیں ہوگی،اب شہباز شریف ممکن ہے کہ ذکا اشرف سمیت 2 نام بورڈ آف گورنس کو بھجوائیں گے اوربذریعہ الیکشن چیئرمین پی سی بی کا تقرر ہوگا۔یہ بھی ممکن ہے کہ ایک اورعارضی سمری ذکا اشرف کے لئےجاری ہو جائے۔پاکستان میں کچھ بھی بعید نہیں ہے۔

ادھر کرک انفو نے رات گئے رپورٹ کیا ہے کہ  نجم سیٹھی مستعفی ہوگئے ہیں۔اب سپریم کورٹ کے معروف وکیل مصطفیٰ رمدے کے ساتھ  ذکا اشرف کو نامزد کیا جا رہا ہے۔ دونوں کو پی سی بی کے 10 رکنی بورڈ میں شامل کیا جائے گا جس میں وزیر اعظم کے براہ راست نامزد امیدواروں میں سے ایک کو تین سال کے لیے پی سی بی کا چیئرمین منتخب کیا جائے گا۔ ذکا منتخب ہونے کے لیے زبردست پسندیدہ ہیں، انتخابی عمل تقریباً یقینی طور پر محض رسمی ہے۔