کراچی،کرک اگین رپورٹ
Image by PCB
پاکستان کرکٹ ٹیم کے کپتان بابر اعظم نے قومی ٹیم کو رات گئے جوائن کیا ہے۔پی سی بی کی جانب سے جاری کتدہ مختصر بیان رات 11 بجے کے بعد جاری کیا گیا۔اس میں کہا گیا تھا کہ بابر اعظم نے کراچی میں ہوٹل میں ٹیم کو جوائن کرلیا ہے۔
ادھر نیشنل اسٹیڈیم کراچی میں پاکستان اور ویسٹ انڈیز کے کھلاڑیوں کی ابتدائی ٹریننگ جمعہ کو شروع ہونا تھی لیکن کسی بھی وجہ سے اسے ایک روز کے لئے ملتوی کیا گیا ہے۔
ٹی 20سیریز،پاکستان کو ویسٹ انڈیز پر برتری،رینکنگ میں بھارت کے لئے خطرہ،بابر اعظم کا منفرد اعزاز
پی سی بی ذرائع سے کرک اگین نے جب رابطہ کیا تو علم ہوا ہے کہ حالات بہت زیادہ آئیڈیل نہیں ہیں۔فرضی خیالا ت اپنی جگہ،کچھ حقائق بھی موجود ہیں۔لوگوں نے کچھ مہمان پلیئرز میں کورونا فرض کرلیا اور کچھ نے کیا سے کیا کہا ہے۔
اس حوالہ سے پی سی بی نے واضح تو نہیں کیا،امید ظاہر کی ہے کہ کھلاڑیوں کی ٹریننگ آج ہفتہ 11 دسمبر سے شروع ہوگی۔پہلا ٹی 20 میچ 14 دسمبر کو کھیلا جائے گا۔
پی سی بی نے پی ایس ایل 7 کا ابتدائی حصہ بھی کراچی کروانا ہے۔اس حوالہ سے بھی پی سی بی حکام نہایت سنجیدہ ہیں۔کووڈ کی نئی قسم کے حوالہ سے خاصے متفکر ہیں۔حد درجہ اعتماد کی بات تو کرتے ہیں۔ساتھ میں حالات سازگار رہنے یا نہ رہنے کے حوالہ سے اپنی جگہ پریشان ہیں۔
