کراچی،کرک اگین رپورٹ۔پاکستان میں خواتین کرکٹ ٹیم ہوٹل میں آتشزدگی کے واقعے کے بعد پی سی بی کو پیر کو کراچی میں ہونے والی نیشنل ویمنز چیمپئن شپ کو ملتوی کرنا پڑا ۔
پی سی بی نے ایک بیان میں کہاہے کہ خوش قسمتی سے کوئی کھلاڑی زخمی نہیں ہوا، کیونکہ پی سی بی نے واقعے کے وقت ہوٹل میں موجود پانچ کھلاڑیوں کو فوری طور پر باہر نکالا اور انہیں حنیف محمد ہائی پرفارمنس سینٹر میں محفوظ طریقے سے منتقل کر دیا۔پی سی بی نے ٹیموں کے لیے متبادل رہائش تلاش کرنے کی کوشش کی لیکن آئیڈیاز دفاعی نمائش کراچی میں ہونے کی وجہ سے انہیں ہوٹل نہیں مل سکا۔ بورڈ نے کہا کہ ٹورنامنٹ کو ختم کرنے کا فیصلہ کھلاڑیوں کی صحت اور حفاظت کو مدنظر رکھتے ہوئے کیا گیا ہے۔
