لاہور ۔کرک اگین رپورٹ
کرکٹ بریکنگ نیوز،چھکے صرف مجھے نہیں پڑتے سب کو پڑتے ہیں۔حارث رؤف کا قذافی اسٹیڈیم جواب۔اپنی سپیڈ بہتر کر لیا تاکہ تم لوگ میرے اوپر باتیں کم کرو۔کی تازہ ترین خبر قذافی سٹیڈیم لاہور سے۔
پاکستان کرکٹ ٹیم کے مایہ ناز فاسٹ باؤلر حارث رؤف نے میڈیا سے گفتگو کرتے ہوئے نہ صرف ناقدین کو کرارا جواب دیا ہے بلکہ مستقبل کی کرکٹ کے حوالے سے ایک بڑا بیانیہ بھی سامنے رکھ دیا ہے۔ راولپنڈی کے بعد اب پاکستان، سری لنکا اور انگلینڈ کی ٹیمیں لاہور پہنچ چکی ہیں، جہاں 25 اکتوبر سے فائنل تک کے اہم ترین مقابلے کھیلے جائیں گے۔ پوائنٹس ٹیبل پر اس وقت پاکستان دو فتوحات کے ساتھ پہلے، سری لنکا دوسرے اور انگلینڈ تیسرے نمبر پر ہے۔
تاکہ آپ مجھ پر باتیں نہ کریں۔ رفتار اور چھکوں پر حارث کا موقف
ٹریننگ سیشن کے بعد پریس کانفرنس کرتے ہوئے حارث رؤف نے ہنستے ہوئے انکشاف کیا کہ انہوں نے اپنی بولنگ اسپیڈ کو برقرار رکھنے اور اسے مزید بہتر بنانے پر بہت زیادہ کام کیا ہے تاکہ میڈیا اور ناقدین ان پر باتیں نہ بنا سکیں۔ جب ان سے پوچھا گیا کہ دنیا بھر میں ٹی ٹوئنٹی اور ون ڈے کرکٹ جس تیزی سے بدل رہی ہے، اس میں فاسٹ بولرز کتنے محفوظ ہیں؟ تو حارث کا دوٹوک جواب تھا۔کرکٹ اب پوری دنیا میں ایسی ہی ہو رہی ہے، چھکے صرف مجھے نہیں پڑتے بلکہ دنیا کے ہر بولر کو پڑتے ہیں۔ اچھا بولر وہ ہے جو ان حالات میں بھی اپنی لائن، لینتھ اور ڈائریکشن پر کنٹرول رکھے۔
ورلڈ کپ 2027 کا بڑا چیلنج اور ڈومیسٹک کرکٹ کی اہمیت
راولپنڈی میں بننے والے 400 سے زائد رنز کے اسکور پر بات کرتے ہوئے حارث رؤف نے خبردار کیا کہ یہ کرکٹ بدلنے کی علامت ہے اور ون ڈے ورلڈ کپ 2027 میں پاکستان ٹیم کو 350 سے زائد رنز بنانے بھی ہوں گے اور اتنے ہی بڑے ہدف کو عبور کرنے کی صلاحیت بھی پیدا کرنی ہوگی۔ اپنی حالیہ فارم پر بات کرتے ہوئے انہوں نے کہا کہ وہ حال ہی میں ڈومیسٹک اور کلب کرکٹ کھیل کر آئے ہیں جس سے انہیں اپنی غلطیاں دور کرنے اور ردھم حاصل کرنے میں بڑی مدد ملی۔ جب ان سے 2022 والے پرانے پیس اٹیک (شاہین، نسیم اور حارث) کی دہشت واپس آنے پر سوال ہوا تو انہوں نے مسکراتے ہوئے کہا۔ہاں! اب آپ کو یاد آگیا؟ آپ لوگ بھولتے بھی بڑی جلدی ہیں اور یاد بھی جلدی کرتے ہیں۔ ہم سب محنت کر رہے ہیں اور پنڈی کی طرح لاہور میں بھی بہترین بولنگ کریں گے۔
25 اکتوبر کا میچ۔قذافی اسٹیڈیم ‘پنک کلر’ میں نہلا دیا جائے گا
حارث رؤف نے پوری پاکستانی قوم سے اپیل کی کہ وہ اتوار 25 اکتوبر کو ہونے والے میچ کو سپورٹ کریں۔ یہ میچ چھاتی کے کینسر سے آگاہی کی عالمی مہم کے سلسلے میں کھیلا جا رہا ہے۔ پاکستان کرکٹ بورڈ (پی سی بی) نے اس یادگار روز کے لیے ‘پنک کرکٹ’ کا انتظام کیا ہے، جہاں کھلاڑیوں کی شرٹس، اسٹیڈیم کی لائٹس، بیلز اور وکٹیں سب کچھ گلابی رنگ کی ہوں گی۔ پاکستان اپنا اگلا میچ اتوار کو قذافی اسٹیڈیم میں کھیلے گا اور اگرچہ انگلینڈ اپنے دونوں میچ ہار چکا ہے، لیکن دوسرے راؤنڈ میں اب بھی کسی بھی ٹیم کے لیے فائنل تک پہنچنے کا موقع موجود ہے۔
