سلہٹ،کرک اگین رپورٹ۔پاکستانی آل رائونڈر محمد نواز کو مارنے پربنگلہ دیش کرکٹر کو بڑی سزا۔کرکٹ کی تازہ ترین خبریں یہ ہیں کہ سلہٹ اسٹرائیکرز کے تیز گیند باز تنظیم ثاقب کو سلہٹ میں بنگلہ دیش پریمیئر لیگ (بی پی ایل) میں میچ کے دوران کھلنا ٹائیگرز کے آل راؤنڈر پاکستانی محمد نواز کے ساتھ گرما گرم تبادلہ کرنے پر میچ فیس کا 50 فیصد جرمانہ اور تین ڈیمیرٹ پوائنٹس بھی ملے ہیں۔
یہ واقعہ میچ کے 19ویں اوور کے دوران پیش آیا جب تنظیم نے نواز کو آؤٹ کیا اور پھر ان کے کندھے سے ٹکرایا جس کے بعد دونوں کے درمیان تلخ جملوں کا تبادلہ ہوا اور دوسرے کھلاڑیوں کو ان کو الگ کروانا پڑا۔میچ ریفری احسان الحق نے پیر کو تصدیق کی کہ یہ ضابطہ اخلاق کی سطح 2 کی خلاف ورزی تھی اور تنظیم کو اس جرم کے لیے سزا دی گئی ہے۔ثاقب کو ان کی میچ فیس کا 50 فیصد جرمانہ اور جرم کے لیے تین ڈیمیرٹ پوائنٹس دیے گئے،انہوں نے مزید کہا کہ نواز کو کوئی جرمانہ نہیں ہوا۔
سلہٹ نے یہ میچ آٹھ رنز سے جیت کر پانچ میچوں میں اپنی دوسری جیت رقم کی جبکہ کھلنا اب تک ٹورنامنٹ میں اپنے چار میں سے دو میچ ہار چکی ہے۔