ورلڈکپ2023،بھارتی بورڈ کی پاکستان پر آئی سی سی کوخاص یقین دہانی،شیڈول،12 مقامات
دبئی،کرک اگین رپورٹ
بھارتی کرکٹ بورڈ نے آئی سی سی کو ورلڈکپ 2023 کے لئے پاکستان کرکٹ ٹیم کے ویزا اور سکیورٹی حوالہ سے کلیئرنس دے دی ہے،اس کے ساتھ ہی ایک درجن میزبان مقامات بھی سامنے آگئے ہیں۔ایونٹ کے آغاز کی تاریخ 5 اکتوبر اور فائنل میچ 19 نومبر رکھاگیا ہے۔
دبئی میں منعقدہ آئی سی سی کی سہ ماہی میٹنگز میں گزشتہ ہفتے کے آخر میں، بی سی سی آئی نے عالمی ادارے کو یقین دہانی کرائی تھی کہ پاکستانی دستے کے لیے ویزے ہندوستانی حکومت کی طرف سے کلیئر کیے جائیں گے۔
احمد آباد کے علاوہ، شارٹ لسٹ کئے مقامات میں بنگلورو، چنئی، دہلی، دھرم شالہ، گوہاٹی، حیدرآباد، کولکتہ، لکھنؤ، اندور، راجکوٹ اور ممبئی شامل ہیں۔ ٹورنامنٹ میں 48 میچز ہوں گے جن میں 46 دن کی مدت میں تین ناک آؤٹ شامل ہیں۔
ایشیا کپ2023،پاکستان اور بھارت کے جھگڑے پر نیا فیصلہ
عام طور پر آئی سی سی ورلڈ کپ کے شیڈول کا اعلان کم از کم ایک سال پہلے کرتی ہے لیکن اس بار اسے بی سی سی آئی کی جانب سے بھارتی حکومت سے ٹیکس چھوٹ کی ضروری منظوری ملنے کا بھی انتظار ہے۔ اس میں دو اہم مسائل شامل ہیں۔ ٹورنامنٹ کے لیے ٹیکس سے چھوٹ حاصل کرنا، اور پاکستانی ٹیم کے لیے ویزا کلیئرنس، جو 2013 کے اوائل سے آئی سی سی ایونٹس کے علاوہ ہندوستان میں نہیں کھیلی ہے۔
