نیویارک کا ماڈیولر اسٹیڈیم مکمل تیار،یکم جون کاوارم میچ بھی سامنے آگیا
نیویارک،کرک اگین رپورٹ
نیویارک کا ماڈیولر اسٹیڈیم مکمل تیار،یکم جون کاوارم میچ بھی سامنے آگیا۔کرکٹ کی تازہ ترین خبریں یہ ہیں کہ نیویارک میں آئزن ہاور پارک بین الاقوامی کرکٹ کا پہلا ماڈیولر اسٹیڈیم، ٹی20 ورلڈ کپ کے لیے تیار ہوگیاہے۔ نیویارک شہر سے تقریباً 25 میل مشرق میں 34,000 نشستوں پر مشتمل اس مقام کو بدھ کے روز دنیا کے تیز ترین انسان اور ورلڈ کپ کے سفیر یوسین بولٹ نے باقاعدہ طور پر لانچ کیا۔
نیو یارک امریکہ میں 16 میں سے آٹھ میچوں کی میزبانی کرے گا جبکہ ڈیلاس اور ٹیکساس میں چار چار میچ ہوں گے۔ ناساؤ کاؤنٹی میں واقع آئزن ہاور پارک میں پہلا میچ 3 جون کو جنوبی افریقہ اور سری لنکا کے درمیان کھیلا جائے گا۔
یہاں ایک وارم اپ میچ بھی ہوگا،جو یکم جون کو بھارت اور بنگلہ دیش کھیلیں گے۔آئزن ہاور پارک کا پراجیکٹ آئی سی سی کاسب سے زیادہ پرجوش پراجیکٹ تھا، جس میں پانچ ماہ میں ایک نئے اسٹیڈیم کی تعمیر شامل تھی جو جنوری میں پارک کی عام زمین تھی۔ چیلنج کا ایک اہم حصہ فلوریڈا میں ڈراپ ان پچز کی تیاری اور مین اسکوائر کے ساتھ ساتھ پریکٹس ایریاز دونوں میں انسٹال کرنے سے پہلے انہیں زمین کے ذریعے نیویارک پہنچانا شامل تھا۔
