ابو ظہبی ٹی 10 لیگ کا ٹائٹل دکن کے نام،دہلی کا قلعہ سر کرلیا
ابو ظہبی،میڈیا ریلیز
دکن گلیڈی ایٹرز نے ہفتہ کو دہلی بلز کو 56 رنز سے شکست دے کر اپنا پہلا ابوظہبی ٹائٹل جیت لیا۔ ابتدائی بلے بازوں آندرے رسل اور ٹام کوہلر-کیڈمور نے دکن گلیڈی ایٹرز کے لیے 159/0 کا بڑا ٹوٹل بنانے کے بعد، دہلی بلز اپنے تعاقب میں خاص پیش رفت نہ کرسکی اور بالآخر 56 رنز سے ہارگئی۔
چندرپال ہیمراج نے بلز کے لیے اچھے کھیل کا مظاہرہ کیا انھوں نے رسل کو پانچویں اوور میں دو چوکے اور ایک چھکا لگایا۔ ہیمراج نے 20 گیندوں پر 42 رنز کی شاندار اننگز کھیلی، لیکن کریز پر ان کا قیام اس وقت ختم ہو گیا جب وہ چھٹے اوور میں وینندو ہاسرنگا کے ہاتھوں آئوٹ ہوئے۔ ہیمراج کے جانے کے بعد، دکن گلیڈی ایٹرز اپنے مخالفین پر دبائوڈالتے رہے اور آخر کار چیمپئن بن کر میدان سے باہر آئے۔ اوڈین اسمتھ، وینندو ہسرنگا اور تیمل ملز نے میچ میں 2،2 وکٹیں حاصل کیں۔
اس سے قبل آندرے رسل اور ٹام کوہلر کیڈمور نے ابوظہبی ٹی 10 کی تاریخ میں سب سے زیادہ شراکت کا ریکارڈ قائم کیا۔ ابتدائی بلے بازوں نے 10 اوورز میں 159/0 کی دھماکہ خیز شراکت داری کی۔ آندرے رسل نے 32 گیندوں پر 90 رنز کی شاندار اننگز کھیلی، 9 چوکوں اور 7 چھکوں کی مدد سے انہیں ٹام کوہلر کیڈمور نے بھرپور ساتھ دیا، جنہوں نے 28 گیندوں پر 59 رنز بنائے۔ کوہلر کیڈمور نے اپنی اننگز کے دوران 3 چوکے اور 5 چھکے لگائے۔
رسل نے ڈومینک ڈریکس کا مقابلہ کرتے ہوئے تیسرے اوور میں اسے دو چھکے لگائے اور پھر اس نے پانچویں اوور میں ڈوین براوو کی گیند پر دو چوکے اور ایک چھکا لگایا۔ ویسٹ انڈین نے روماریو شیفرڈ کو آٹھویں اوور میں دو چوکے اور ایک چھکا بھی مارا۔ کوہلر-کیڈمور نے بھی آخری اوور میں آگے بڑھتے ہوئے براوو کی گیند پر ایک چھکا اور ایک چوکا لگایا، جس سے گلیڈی ایٹرز کو ناقابل شکست ٹوٹل بنانے میں مدد ملی۔
ٹورنامنٹ میں 6 وکٹیں لینے والے دہلی بلز کے شیراز احمد نے یو اے ای پلیئر آف دی ٹورنامنٹ کا ایوارڈ حاصل کیا۔ ڈومینک ڈریکس نے بائولر آف دی ٹورنامنٹ کا اعزاز حاصل کیا۔ دہلی بلز کے اسپیڈسٹر نے ابوظہبیمیں 19 وکٹیں حاصل کیں۔ رحمان اللہ گرباز نے بیٹر آف دی ٹورنامنٹ کا ایوارڈ حاصل کیا۔ دہلی بلز کے بلے باز نے ٹورنامنٹ میں 343 رنز بنائے۔ وینندو ہسرنگا کو ٹورنامنٹ کا بہترین کھلاڑی قرار دیا گیا۔ دکن گلیڈی ایٹرز کے لیگ اسپنر بھی 21 وکٹوں کے ساتھ سب سے زیادہ وکٹیں لینے والے بولر تھے۔
