پاکستان کی تاریخ کی ٹرپل سنچری،کم عمری کا ریکارڈ

 

کراچی ۔کرک اگین رہورٹ

Image Twitter

 

سٹیٹ بنک آف پاکستان سٹیڈیم میں قائد اعظم ٹرافی کے فائنل راؤنڈ میچ کے تیسرے روز محمد ہریرہ کی فرسٹ کلاس ٹرپل سنچری اور مبصر خان کی چھ وکٹوں کی بدولت ناردرن نے بلوچستان کو اننگز اور 170 رنز سے شکست دے دی۔

   ناردرن نے 124 اوورز میں چار وکٹ پر 631 رنز پر اننگز ڈکلیئر کردی۔ ہریرہ جس نے 243 پر اپنی بیٹنگ دوبارہ شروع کی وہ پورے گراؤنڈ میں شاٹس کھیلتے رہے اور اننگز کے 113 ویں اوور میں اپنی پہلی ٹرپل سنچری بنائی۔ 19 سالہ دائیں ہاتھ کے بلے باز نے 343 گیندوں کا سامنا کرتے ہوئے 311 رنز کی اپنی اننگز کے دوران 40 چوکے اور چار چھکے لگائے اور فرسٹ کلاس ٹرپل سنچری بنانے والے پاکستان کے دوسرے کم عمر ترین بلے باز بھی بن گئے۔

جواب میں، بلوچستان کی ٹیم 35 ویں اوور میں 146 پر ڈھیر ہوگئی۔  اننگ اور 170 رنز سے شکست دے کر دی۔بلوچستان کے لیے صرف تین کھلاڑی ڈبل فیگرز میں داخل ہونے میں کامیاب ہوئے اور اوپننگ بلے باز عمران بٹ نے 101 گیندوں پر 81 رنز بنائے اور 13 چوکے لگائے۔

ناردرن کے آف اسپنر مبشر نے 10.4 اوورز میں 49 کے عوض چھ وکٹیں حاصل کیں، جبکہ دائیں ہاتھ کے تیز رفتار موسیٰ نے 60 کے عوض دو وکٹیں حاصل کیں۔ بلوچستان کے خلاف جیت نے 25 سے نیشنل اسٹیڈیم کراچی میں ہونے والے گلابی گیند کے فائنل میں ناردرن کی جگہ کی تصدیق کردی۔

ایک اور میچ میں اسپورٹس کمپلیکس میں  495 رنز کا تعاقب کرتے ہوئے، سنٹرل پنجاب نے خیبر پختونخوا کے خلاف 43 اوورز میں بغیر کسی نقصان کے 123 رنز بنائے تھے ۔

قبل ازیں اپنی دوسری اننگز 89 رنز بغیر کسی نقصان کے دوبارہ شروع کرتے ہوئے خیبرپختونخوا نے 67 اوورز میں 4 وکٹوں کے نقصان پر 249 رنز بنا کر اننگز ڈکلیئر کردی۔ بائیں ہاتھ کے اوپننگ بلے باز فخر زمان نے سب سے زیادہ 102 گیندوں پر 62 رنز بنائے جس میں 12 چوکے اور ایک چھکا شامل تھا۔ کپتان افتخار احمد نے 82 گیندوں پر سات چوکوں کی مدد سے ناقابل شکست 61 رنز بنائے۔ چھٹے نمبر پر بیٹنگ کے لیے آنے والے عادل امین 78 گیندوں پر 54 رنز بنا کر ناقابل شکست لوٹے جس میں تین چوکے شامل تھے۔ دونوں نے پانچویں وکٹ کے لیے 114 رنز کی ناقابل شکست شراکت داری قائم کی۔وسطی پنجاب کی جانب سے بلاول اقبال نے 45 رنز کے عوض تین وکٹیں حاصل کیں۔

اسپورٹس کمپلیکس میں سندھ نے کھیل کے اختتام پر جنوبی پنجاب کے خلاف دوسری اننگز میں تین وکٹوں  پر 219 رنز بنائے۔ بائیں ہاتھ کے بلے باز سعد خان 63 رنز بنا کر ناقابل شکست واپس آئے۔

جنوبی پنجاب کی جانب سے علی عثمان نے 92 رنز کے عوض تین وکٹیں حاصل کیں۔

اس سے قبل جنوبی پنجاب کی ٹیم پہلی اننگز کی 75 رنز کی برتری کے ساتھ 94ویں اوور میں 385 رنز بنا کر آؤٹ ہو گئی۔ دائیں ہاتھ کے علی نے 83 گیندوں پر ناقابل شکست 38 رنز بنائے۔

سندھ کی جانب سے دائیں ہاتھ کے تیز رفتار شاہنواز دھانی نے 17 اوورز میں 61 رنز دے کر تین وکٹیں حاصل کیں جبکہ اسپنرز محمد اصغر اور زاہد محمود نے دو دو وکٹیں حاصل کیں