یاسر شاہ کو کرکٹ ٹیم کے دروازے پر روک لیا گیا،آسٹریلیا کے خلاف شان مسعود طلب

کراچی،پی سی بی میڈیا ریلیز،کرک اگین رپورٹ

یاسر شاہ کو کرکٹ ٹیم کے دروازے پر روک لیا گیا،آسٹریلیا کے خلاف شان مسعود طلب۔پاکستان کرکٹ ٹیم کےچیف سلیکٹر نے آسٹریلیا کے خلاف تین ٹیسٹ میچز کی سیریز کے لیے 16 کھلاڑیوں اور پانچ ریزرو کھلاڑیوں پرمشتمل قومی اسکواڈ کا اعلان کردیا ہے۔ دونوں ٹیموں کے مابین سیریز کا پہلا ٹیسٹ میچ راولپنڈی (4 تا 8 مارچ)، دوسرا کراچی (12 تا 16 مارچ) اور تیسرا لاہور (21 تا 25 مارچ) میں کھیلا جائے گا۔

آسٹریلیا کے اسکواڈ کے بعد پی سی بی متحرک،سرپرائزنگ پلیئر تیار

آسٹریلیا کے خلاف ٹیسٹ سیریز کے لیے قومی ٹیسٹ اسکواڈ میں تین تبدیلیاں کی گئی ہیں۔فاسٹ باؤلر حارث رؤف اور اوپنر شان مسعود کی ٹیسٹ اسکواڈ میں واپسی ہوئی ہے۔حارث رؤف جنوبی افریقہ اور زمبابوے کے خلاف قومی ٹیسٹ اسکواڈ کا حصہ تھے۔ شان مسعود نے آخری مرتبہ سیزن 21-2020 میں دورہ نیوزی لینڈ میں پاکستان کی نمائندگی کی تھی۔

ان دونوں کھلاڑیوں کو اسپنر بلال آصف اور اوپنر عابد علی کی جگہ اسکواڈ میں شامل کیا گیا ہے۔اسکواڈ میں شامل اکیسویں رکن یاسر شاہ کو ریزرو کھلاڑیوں میں شامل کیا گیا ہے۔نتیجہ یہ ہے کہ پہلے ڈراپ کیا گیا،اب کرکٹ ٹیم کے احاطہ میں طلب تو کرلیا لیکن ریزرو پلیئرز میں رکھنے کا مطلب دروازے پر روکا گیا ہے۔

قومی ٹیسٹ اسکواڈ میں شامل جو کھلاڑی ایچ بی ایل پی ایس ایل 2022 کا حصہ نہیں ہیں وہ 16 فروری بروز بدھ سے نیشنل اسٹیڈیم کراچی میں تربیتی کیمپ کا حصہ بن جائیں گے۔

قومی ٹیسٹ اسکواڈ
بابر اعظم (کپتان) (سینٹرل پنجاب)
محمد رضوان (نائب کپتان) (خیبر پختونخوا)
عبداللہ شفیق (سینٹرل پنجاب)
اظہر علی (سینٹرل پنجاب)
فہیم اشرف (سینٹرل پنجاب)
فواد عالم (سندھ)
حارث رؤف (ناردرن)
حسن علی (سینٹرل پنجاب)
امام الحق (بلوچستان)
محمد نواز (ناردرن)
نعمان علی (ناردرن)
ساجد خان (خیبرپختونخوا)
سعود شکیل (سندھ)
شاہین شاہ آفریدی (خیبر پختونخوا)
شان مسعود (بلوچستان)
زاہد محمود (سندھ)

ریزرو پلیئرز
کامران غلام (خیبرپختونخوا)
محمد عباس (سدرن پنجاب)
نسیم شاہ (سدرن پنجاب)
سرفراز احمد (سندھ)
یاسر شاہ (بلوچستان)

پاکستان کرکٹ کے چیف سلیکٹر محمد وسیم کا کہنا ہے کہ آسٹریلیا کے خلاف ٹیسٹ سیریز کے لیے قومی ٹیسٹ اسکواڈ میں زیادہ تبدیلیاں کرنے کی بجائے ایک تسلسل برقرار رکھا گیا ہے۔انہوں نے کہا کہ اس سے نہ صرف کھلاڑیوں میں اعتماد بڑھے گا بلکہ یہ ان کی سال 2021 میں عمدہ کارکردگی کا صلہ بھی سمجھا جائے گا۔

محمد وسیم نے کہا کہ یہ ڈومیسٹک کرکٹ کے دستیاب بہترین، باصلاحیت اور سب سے ان فارم کھلاڑی ہیں۔ انہیں یقین ہے کہ منتخب کردہ تمام کھلاڑی آسٹریلیا کے خلاف سیریز میں شاندار کارکردگی کا مظاہرہ کریں گے۔