لاہور،کرک اگین رپورٹ۔انگلینڈ سیریز کے آغاز سے ذرا قبل سلیکٹرز میں پھوٹ،محمد یوسف مستعفی،وجہ جانیئے۔کرکٹ کی تازہ ترین خبریں یہ ہیں کہ انگلینڈ کے خلاف ٹیسٹ سیریز کے آغاز سے صرف 8 روز قبل پاکستان کرکٹ سلیکشن کمیٹی کے اہم رکن محمد یوسف نے استعفیٰ دے دیا ہے۔
چند روز قبل پاکستان کرکٹ بورڈ نے لاہور میں کنیکشن کیمپ کے نام سے جو سٹیج کیا تھا ،اس میں قومی کھلاڑیوں کے آپس اور پی سی بی سے اختلافات واضح ہوئے ،اسے دور کرنے کی کوشش کی گئی لیکن یہاں تو معاملہ اور بھی خراب لگ رہا ہے کہ قومی سلیکٹرز بھی ایک پیج پر نہیں ہیں۔
ایسا لگتا ہے کہ انگلینڈ کے خلاف اعلان کردہ قومی اسکواڈ سے محمد یوسف مطمئن نہیں ہیں،اس لئے سائیڈ لائن ہوگئے ہیں۔
ادھر محمد یوسف نے استعفے کی وجہ ایک ہی لکھی ہے اور جو عام طور پر لکھی جاتی ہے کہ ذاتی مصروفیات کی بنیاد پر میں مستعفی ہوتا ہوں۔
پاکستان اور انگلینڈ کی ٹیسٹ سیریز 7 اکتوبر سے ملتان میں شروع ہوگی۔
