نئے ٹیسٹ کپتان شان مسعود اور سرفراز احمد میں تصادم،ریڈ کارڈ ایشو

کرک اگین رپورٹ

نئے ٹیسٹ کپتان شان مسعود اور سرفراز احمد میں تصادم،ریڈ کارڈ ایشو۔سرفراز احمد اور شان مسعود پاکستان کپ کے سیمی فائنل کے دوران ایک بدصورت تصادم میں آمنے سامنے ہوگئے، جس کی وجہ سے  نئے ٹیسٹ کپتان شان مسعودکو علاج کے لیے میدان سے باہر جانا پڑا۔پاکستان کپ کے دوسرے سیمی فائنل میں سرفراز کی زیر قیادت کراچی ریجنز نے صائم ایوب کے 95 کے کی بدولت 280 رنزبنائے۔ ڈی ایل ایس میتھڈ کی وجہ سے ملتان کا ہدف 41 اوورز میں 273 تک کم ہو گیا، اور وہ 34-2 پر پریشانی میں تھے، اوپنرز 6 اور 0 پر گر گئے۔

ملتان  کی وکٹ گرسکتی تھی اگر فیلڈرز صہیب مقصود کا کیچ پکڑ لیتے،مسعود اور سرفراز دونوں کیچ لینے کے لیے بھاگے، آخر کار ایک دوسرے کے درمیان دوڑتے ہوئے۔کمنٹیٹرز چیخ اٹھے کہ یہ ایک کلب لیول کے فیلڈرز لگے ہیں۔گیند شان مسعود کی طرف آرہی تھی جس کے ہاتھ پکڑنے کو تیار تھے لیکن، اس سے پہلبھاگتا ہوا سرفراز اس سے ٹکرا گیا، جس سے وہ دونوں زمین پر گر گئے۔  ایسا لگتا ہے کہ اس کے ٹخنے میں زخم آئے ہیں۔ انہیں علاج کے لیے میدان سے باہر لنگڑاتے ہوئے دیکھا گیا۔

صائم ایوب کے شاندار 95 رنز ، سہیل خان اور غلام مدثر کی عمدہ بولنگ کی بدولت کراچی وائٹس نے ملتان ریجن کو پاکستان کپ ایکروزہ کرکٹ ٹورنامنٹ کے دوسرے سیمی فائنل میں 43 رنز سے شکست دیدی۔کم روشنی کی وجہ سے اس میچ کا فیصلہ ڈک ورتھ لوئس قانون کےتحت ہوا۔اب کراچی وائٹس اور پشاور کے درمیان فائنل اتوار کے روز پنڈی کرکٹ اسٹیڈیم میں کھیلا جائے گا۔
پشاور نے پہلے سیمی فائنل میں فاٹا کو 44 رنز سے ہرایا تھا۔

جمعہ کے روز پنڈی کرکٹ اسٹیڈیم راولپنڈی میں کھیلے گئے سیمی فائنل میں ملتان نے ٹاس جیت کر کراچی وائٹس کو بیٹنگ دی جو 44.3 اوورز میں 280 رنز بناکر آؤٹ ہوگئی۔ملتان نے 41 اوورز میں 9 وکٹوں کے نقصان پر229 رنز بنائے تھے کہ کم روشنی کی وجہ سے کھیل روک دیا گیا اور میچ کا فیصلہ ڈک ورتھ لوئس قانون کے تحت کیا گیا۔کراچی وائٹس کے اوپنرز شان مسعود اور صائم ایوب نے پہلی وکٹ کی شراکت میں 106 رنز کا اضافہ کیا۔ شان مسعود پانچ چوکوں کی مدد سے41 رنز بناکر آؤٹ ہوگئے۔صائم ایوب نے اس سیزن میں اپنی شاندار بیٹنگ کے سلسلے کو جاری رکھتے ہوئے 86گیندوں پر 95 رنز کی اننگز کھیلی جس میں 12 چوکے اور چھکا شامل تھا۔حبیب اللہ 40 دانش عزیز 33 اور کپتان سرفراز احمد 28 رنز بنانے میں کامیاب رہے۔ملتان کی طرف سے محمد عمران نے 58 رنز دے کر 3 وکٹیں حاصل کیں۔ محمد صداقت اور فیصل اکرم نے دو دو کھلاڑیوں کو آؤٹ کیا۔

ملتان کو ابتدا ہی میں دو وکٹوں کا نقصان اٹھانا پڑا۔ غلام مدثر نے شرجیل خان کو صفر اور زین عباس کو 6 رنز پر آؤٹ کردیا۔ صہیب مقصود اور حسیب اللہ کے درمیان نصف سنچری شراکت قائم ہوئی تاہم صہیب مقصود 32 رنز بناکر آؤٹ ہوئے۔حسیب اللہ کی شاندار سنچری بھی اپنی ٹیم کو جتوانے کے لیے ناکافی ثابت ہوئی ۔ انہوں نے 108گیندوں پر 12 چوکوں اور 2 چھکوں کی مدد سے 106 رنز بنائے اور آؤٹ نہیں ہوئے۔سہیل خان کراچی وائٹس کے سب سے کامیاب بولر رہے انہوں نے44 رنز دے کر4 وکٹیں حاصل کیں۔غلام مدثر نے دو وکٹیں حاصل کیں۔

مختصر اسکور
کراچی وائٹس 280 رنز ( 44.3 اوورز ) صائم ایوب 95، شان مسعود 41، حبیب اللہ 40، محمد عمران 58 / 3 وکٹ۔

ملتان 229 رنز 9 کھلاڑی آؤٹ ( 41 اوور

بعد میں شان مسعود نے لکھا کہ سرفراز احمد کیلئے ریڈ کارڈ۔