جسپریت بمراہ کو سزا،دوسرے ٹیسٹ کیلئے بھارتی اسکواڈ میں خان طلب

ممبئی،کرک اگین رپورٹ

جسپریت بمراہ کو سزا،دوسرے ٹیسٹ کیلئے بھارتی اسکواڈ میں خان طلب۔کرکٹ کی تازہ ترین خبریں یہ ہیں کہ آئی سی سی نے بھارتی پیسر جسپریت بمراہ کو سزا سنادی ہے۔ندوستان اور انگلینڈ کے درمیان حیدرآباد میں کھیلے جانے والے ابتدائی ٹیسٹ میں آئی سی سی کے ضابطہ اخلاق کی  خلاف ورزی کرنے پرجسپریت بمراہ کو سرزنش کی گئی ہے۔ وہ قصوروار پایا گیا، اور اس کے نتیجے میں، ایک ڈیمیرٹ پوائنٹ دیا گیا۔بمراہ نے انگلینڈ کے اولی پوپ کو ان کی رننگ کے دوران پائوں رکھ کر روکنے کی کوشش کی،جس سے کندھے سے کندھا ٹکرایا تھا۔

ادھر اسٹار بلے باز کے ایل راہل اور رویندر جڈیجہ انگلینڈ کے خلاف جمعہ سے ویزاگ میں شروع ہونے والے دوسرے ٹیسٹ سے باہر ہو گئے۔ بی سی سی آئی کی ایک ریلیز کے مطابق، جدیجا کو حیدرآباد میں پہلے ٹیسٹ کے چوتھے دن کھیل کے دوران ہیمسٹرنگ انجری کا سامنا کرنا پڑا جبکہ راہول نے دائیں کواڈریسیپس میں درد کی شکایت کی۔

سرفراز خان، سوربھا کمار اور واشنگٹن سندر کو دوسرے ٹیسٹ کے لیے  اسکواڈ میں شامل کیا گیا ہے، جس میں  بھارت اتوار کو حیدرآباد میں سیریز کے افتتاحی میچ میں 28 رنز سے شکست کھانے کے بعد پانچ میچوں کی سیریز میں 0-1 سے پیچھے ہے۔

بمراہ کی اولی پوپ کو گرانے کی کوشش،روہت شرما کی بحث،سخت کارروائی کا امکان

انگلینڈ کے خلاف دوسرے ٹیسٹ کے لیے بھارت کا اسکواڈ: روہت شرما (کپتان)، شبمن گل، یشسوی جیسوال، شریاس آئیر، کے ایس بھرت (وکٹ کیپر)، دھرو جورل (وکٹ کیپر)، روی چندرن اشون، اکسر پٹیل، کلدیپ یادو، محمد۔ سراج، مکیش کمار، جسپریت بمراہ (وی سی)، اویش خان، رجت پاٹیدار، سرفراز خان، واشنگٹن سندر، سوربھا کمار۔