ورلڈکپ میں ایک ملین شائقین کی آمد،آئی سی سی نے ون ڈے فارمیٹ کے مستقبل کا بتادیا

 

دبئی،احمد آباد:کرک اگین رپورٹ

ورلڈکپ میں ایک ملین شائقین کی آمد،آئی سی سی نے ون ڈے فارمیٹ کے مستقبل کا بتادیا۔آئی سی سی کا بڑا ہدف حاصل یا اس سے بھی بڑا مل گیا۔آئی سی سی نے اپنی پریس ریلیز میں اس  کی تفصیلات کے ساتھ کرکٹ میں ون ڈے کرکٹ کا مستقبل بتادیا ہے کہ ایک روزہ کرکٹ مستقل ختم ہورہی ہے یا نہیں۔واضح الفاظ میں آئی سی سی نے اس میں اپنا جھکائو ایک جانب کیا ہے۔

آئی سی سی کا کہنا ہے کہ 10 لاکھ سے زیادہ شائقین اب تک آئی سی سی مینز کرکٹ ورلڈ کپ میں شرکت کر چکے ہیں اور ایونٹ کی تاریخ میں سب سے زیادہ شرکت کرنے والے آئی سی سی ایونٹس میں سے ایک  یہ ورلڈ کپ 2023 بن گیا ہے۔ ابھی تو 6 میچز باقی ہیں، احمد آباد کے مشہور نریندر مودی اسٹیڈیم میں افغانستان اور جنوبی افریقہ کے درمیان میچ کے دوران دس لاکھ شائقین کا  ٹرن  آئوٹ مکمل ہوا۔  ورلڈ کپ میں دنیا کے بہترین کھلاڑیوں کا مقابلہ دیکھنے کے لیے شائقین بھارت بھر کے 10 اسٹیڈیمز کا رخ کر رہے ہیں۔

یہ تعداد15 نومبر اور 16 نومبر کو  سیمی فائنلز کے ساتھ  بڑھے گی جس کے بعد 19 نومبر کو فائنل ہوگا،  ایک شاندار عروج کا وعدہ کیا ہے کہ ڈیجیٹل ریکارڈ توڑ دیے جائیں گے۔آئی سی سی کے مطابق اس سب سے ون ڈے فارمیٹ کی مسلسل  دلچسپی واضح ہے، شائقین پورے مقابلے کے دوران کھلاڑیوں کے جوش و خروش اور مہارت کی طرف متوجہ ہوئے ہیں۔

اس سنگ میل پر بات کرتے ہوئے، آئی سی سی ہیڈ آف ایونٹس کرس ٹیٹلی نے کہاہے کہ 10 لاکھ سے زائد حاضرین اور ریکارڈ توڑ ناظرین کے ساتھ، آئی سی سی مینز کرکٹ ورلڈ کپ 2023 نے دنیا بھر کے کرکٹ شائقین کو ون ڈے فارمیٹ کی حمایت اور دلچسپی کی یاد دلا دی ہے کہ ورلڈ کپ کرکٹ کی کتنی اہمیت ہے۔اگر ہم ناک آؤٹ مرحلے کی طرف دیکھتے ہیں، تو ہم اس ایونٹ کے مزید ریکارڈ توڑنےکے منتظر ہیں۔”