شعیب اختر کا غصہ کم نہ ہوا،راولپنڈی ایکسپریس کی کرکٹ شروع،طوفانی بائولنگ
کرک اگین رپورٹ
پاکستان کرکٹ ٹیم کے سابق فاسٹ بائولر شیب اختر بھی ایکشن میں آگئے ہیں،انہوں نے پھر سے کرکٹ شروع کردی ہے،ایسا لگتا ہے کہ نیوزی لینڈ اور انگلینڈ کے پاکستان کے دورے ختم کئے جانے پر وہ بھی برہم ہیں اور زوردار قسم کی بائولنگ کرنے لگے ہیں،انہوں نے اسلام میں بنے ایک نئے مگر خوبصورت کرکٹ گرائونڈ میں میچ کھیلا ہے اور اپنے فل اسپیل سے گیندیں کروائی ہیں۔ساتھ میں اپنے اسٹائل کی طرح وہ آئوٹ کی اپیل بھی کرتے دیکھے گئے ہیں۔
It was fun bending the back after a long time at this beautiful new ground at Islamabad Club. pic.twitter.com/IQnxG44XM9
— Shoaib Akhtar (@shoaib100mph) October 5, 2021
شعیب اختر نے ٹوئٹر اکائونٹ سے اپنی ویڈیو شیئر کی ہے اور لکھا ہے کہ اسلام آباد کلب میں بڑے طویل عرصہ کے بعد اہنے فن کے اظہار کا موقع ملا ہے۔ویڈیو میں دیکھا جاسکتا ہے کہ شعیب اختر بائولنگ کر رہے ہیں۔
راولپنڈی ایکسپریس نے فل طاقت کے ساتھ دوڑنا شروع کیا اور بال کی جو بیٹسمین کے پیڈ پر لگی،انہوں نے زوردار طریقہ سے آئوٹ کی اپیل کی لیکن امپائر متاثر نہیں ہوئے۔شعیب اختر کافی دیر حیرانگی کا اظہار کرتے رہے۔
نیوزی لینڈ اور انگلینڈ نے جب پاکستان کا دورہ ختم کیا تھا تو شعیب اختر نے نہایت ناراضگی ظاہر کی تھی اور قومی کھلاڑیوں کو مشورہ دیا تھا کہ ٹی 20 ورلڈ کپ میں جاکر سب ٹیموں کا پھینٹا لگائیں تاکہ انہیں سمجھ آجائے کہ وہ کس دنیا میں رہتے ہیں۔ایسا لگتا ہے کہ شعیب اختر قومی کرکٹرز کو یہ سب کرکے دکھارہے ہیں۔
بشکریہ ٹوئٹر
