ایشیا کپ،پاکستان اور بھارت کی آج جنگ،کینڈی موسم کی ڈرامائی تبدیلی،انگلینڈ اور آسٹریلیا پھر کامیاب
کینڈی،کرک اگین رپورٹ
ایشیا کپ،پاکستان اور بھارت کی آج جنگ،کینڈی موسم کی ڈرامائی تبدیلی،انگلینڈ اور آسٹریلیا پھر کامیاب۔کرکٹ کی تازہ ترین خبریں یہ ہیں کہ پاکستان بمقابلہ بھارت۔ایشیا کپ ،میں آج کینڈی میں جوڑ پڑرہا ہے۔گروپ اے کا یہ میچ ہے۔پاکستان اپنا پہلا میچ جیت چکا ہے،جب کہ بھارتی ٹیم آج سے مہم کا آغاز کرنے جارہی ہے۔کینڈی کے موسم میں ڈرامائی تبدیلی آئی ہے اور پہلے سے موجود پیش گوئی اور اب کی پیش گوئی میں خاصا فرق ہے۔
کھیل کے دن 84% بارش کی پیش گوئی کی تھی۔ ہفتے کے روز 85% بارش کی بھی نشاندہیکی گئی، جس میں ہر طرف بادل چھائے رہنے، گرج چمک کے ساتھ طوفان کے امکانات کم بتائے گئے تھے۔گزشتہ ہفتے ورلڈ ویدر آن لائن نے ہفتے کے روز 102.55 ملی میٹر بارش کی پیش گوئی کی تھی، جس کی وجہ سے یہ دس دنوں میں کینڈی میں سب سے زیادہ گیلا دن ہو تا۔ تاہم، لگتا ہے کہ موسم صاف ہو گیا ہے، اب درمیانے درجے کی بارش متوقع ہے۔
اس سے پہلے، جمعہ کی رات اور ہفتہ کی صبح بارش کی پیش گوئی کی گئی تھی، لیکن حالیہ پیش گوئی کے مطابق جمعہ کی رات اور ہفتہ کی علی الصبح بارش کی کوئی توقع نہیں ہے۔ بارش مقامی وقت کے مطابق صبح 8 بجے بھاری ہو سکتی ہے جب کہ 15.33 ملی میٹر بارش کی پیش گوئی کی گئی ہے۔ میچ سے چار گھنٹے قبل صبح 11 بجے اس کے بھاری ہونے کی توقع ہے۔ کھیل کے قریب آتے ہی بارش کی رفتار کم ہو جائے گی، دوپہر 2 بجے کے دوران ہلکی بوندا باندی ہے۔ مقامی وقت کے مطابق شام 6 بجے کے بعد بارش کی پیش گوئی نہیں کی گئی ہے، اگر موسم تاخیر سے شروع ہونے پر مجبور کرتا ہے، تب بھی میچ کے بارش کی نذر ہونے کے امکانات کم ہیں۔
ادھر پاکستان کی وہی ٹیم برقرار رکھی گئی ہے،جس نے ملتان میں ایشیا کپ کا پہلا میچ جیتا تھا۔بھارتی اسکواڈ میچ سے قبل فائنل ہوگا۔
کرکٹ کی ایک نیوز یہ ہے کہ ڈربن میں آسٹریلیا نے جنوبی افریقاکےخلاف دوسرا ٹی2 انٹرنیشنل میچ8 وکٹ سے جیت کر 3 میچزکی سیریز میں فیصلہ کن برتری حاصل کرلی ہے۔
دوسری نیوز یہ ہے کہ مانچسٹر میں انگلینڈ نے نیوزی لینڈ کے خلاف 4 میچزکی ٹی 2 سیریز کے دوسرے مقابلہ میں 95 رنزکی جیت کے ساتھ ناقابل شکست برتری رقم کی ہے۔
پاکستان ویمنز ٹیم نے جنوبی افریقا خواتین کے خلاف پہلا ٹی ٹوئنٹی انٹرنیشنل میچ جیتنے پر جشب منایا ہے۔دوسرا میچ اتوار کوکھیلاجائے گا۔خواتین کرکٹرز بھی چارج ہوگئی ہیں۔
