سڈنی۔کرک اگین رپورٹ ۔عثمان خواجہ کی سنسنی خیز کتاب صبر کے منظرِ عام پر آتے ہی کینگروز کے خیمے میں لگی آگ اب مزید بھڑک اٹھی ہے۔کرکٹ بریکنگ نیوز کے مطابق 2018 کے بدنام زمانہ بال ٹیمپرنگ اسکینڈل پر آسٹریلیا کی موجودہ ٹیسٹ ٹیم کے کسی بھی حاضر سروس کھلاڑی کی طرف سے پہلا بڑا اور باقاعدہ ردعمل سامنے آ گیا ہے۔کرکٹ کی تازہ ترین خبر ہے۔
عثمان خواجہ کی کتاب،آسٹریلوی کرکٹ بورڈ کے فراڈ اور نسلی بدسلوکی کے بڑے انکشافات
آسٹریلیا کے مایہ ناز فاسٹ باؤلر مچل سٹارک نے عثمان خواجہ کے ان تمام دعووں کو یکسر مسترد کر دیا ہے جن میں کہا گیا تھا کہ سینڈ پیپر گیٹ اسکینڈل کا علم ڈریسنگ روم میں موجود ہر کھلاڑی کو تھا۔
مچل اسٹارک کا دوٹوک جواب کتاب پڑھنے سے صاف انکار
کرکٹ کی تازہ ترین خبریں بتاتی ہیں کہ منگل کو عثمان خواجہ کی آپ بیتی ریلیز ہونے کے بعد مچل اسٹارک میڈیا کا سامنا کرنے والے موجودہ ٹیسٹ اسکواڈ کے پہلے کھلاڑی بن گئے ہیں۔ انہوں نے عثمان خواجہ کے اس دعوے کو جھوٹا قرار دیا کہ کیپ ٹاؤن ٹیسٹ کے دوران پوری ٹیم اس سازش سے واقف تھی۔ اسٹارک نے نہ صرف ان الزامات کو مسترد کیا بلکہ دوٹوک الفاظ میں اعلان کیا کہ ان کا اپنے سابق ساتھی کھلاڑی کی اس متنازع کتاب کو پڑھنے کا دور دور تک کوئی ارادہ نہیں ہے۔
سٹارک نے عثمان خواجہ کے ساتھ مستقبل کے تعلقات پر بات کرتے ہوئے سرد مہرانہ انداز اختیار کیا اور کہا کہ اب یہ سراسر خواجہ پر ہی منحصر ہے کہ آیا وہ مستقبل میں ٹیم کے موجودہ کھلاڑیوں کے ساتھ اپنے تعلقات یا رشتے کو برقرار رکھنا چاہتے ہیں یا نہیں۔
باؤلرز اپنے پرانے بیان پر قائم۔ ہمیں کچھ معلوم نہیں تھا
مچل سٹارک نے میڈیا سے گفتگو کرتے ہوئے واضح کیا کہ وہ، کپتان پیٹ کمنز، جوش ہیزل ووڈ اور ناتھن لیون 2021 میں جاری کیے گئے اپنے اس مشترکہ بیان پر آج بھی سختی سے قائم ہیں جس میں انہوں نے بال ٹیمپرنگ کے علم ہونے کی مکمل تردید کی تھی۔ سٹارک کا کہنا تھا کہ انہیں اس بات کی کوئی بھنک نہیں تھی کہ کیپ ٹاؤن کے میدان میں گیند کی حالت تبدیل کرنے کے لیے پتلون کے نیچے سینڈ پیپر چھپایا جا رہا ہے یا کوئی غیر قانونی کام ہو رہا ہے۔
حاضر سروس کھلاڑی کے اس سخت ردعمل نے یہ ثابت کر دیا ہے کہ عثمان خواجہ کے انکشافات نے آسٹریلوی کرکٹ کے موجودہ اسٹارز کو شدید غصے میں مبتلا کر دیا ہے اور ڈریسنگ روم کا یہ تنازع اب ایک نئی جنگ کی شکل اختیار کر رہا ہے۔
