پاکستان کرکٹ ٹیم ڈاکٹر کا آسٹریلیا جانے سے انکار

 

لاہور ،پرتھ،کرک اگین رپورٹ

 

دورہ آسٹریلیا کے لئے پاکستان کرکٹ ٹیم کے آفیشل ڈاکٹر نے جانے سے انکار کردیا ہے ۔

وجہ کیا

رپورٹ کے مطابق ڈاکٹر سلیم کو پہلے تو ویزا نہ ملا تھا،اب جب ملا تو انہوں نے کہا کہ میں نہیں جاسکتا ،ان کے والد کینسر کی وجہ سے بیمار ہیں۔

پی سی بی اب کیا کرے گا

پاکستان کرکٹ بورڈ کے پاس 2 آپشنز ہیں۔

پہلا یہ کہ پاکستان سے دوسرا ڈاکٹر بھیجے اور دوسرا یہ کہ پرتھ یا کسی دوسرے آسٹریلیا شہر کے ڈاکٹر کی خدمات حاصل کرے۔دونوں صورتوں میں کافی اخراجات ہیں۔

برطانیہ میں مقیم معروف کنسلٹنٹ اسپورٹس فزیو تھراپسٹ ڈاکٹر جاوید مغل نے لاہور کی نیشنل کرکٹ اکیڈمی (این سی اے) میں دائیں ہاتھ کے پیسر ارشد اقبال اور ذیشان ضمیر، جو ٹخنے کی پیچیدہ انجری سے دوچار ہیں، کا جائزہ لیا۔ وہ کل زخمی بائیں ہاتھ کے کلائی اسپنر سفیان مقیم کا جائزہ لیں گے۔

ڈاکٹر جاوید مغل پیر کو میڈیکل اینڈ اسپورٹس سائنسز پی سی بی کے ڈائریکٹر ڈاکٹر سہیل سلیم سے ملاقات کریں گے اور اپنی تفصیلی رپورٹس پیش کریں گے۔ اجلاس کا مقصد زخمی باؤلرز کی بہترین بحالی اور بحالی کے لیے مزید منصوبے اور حکمت عملی وضع کرنا ہے۔