آسٹریلیا نے بھارت سے ہاف درجن کھلاڑی بلوالئے ،پاکستان کے خلاف ٹیسٹ اسکواڈ ،ڈیوڈ وارنر کی سلیکشن سوال
سڈنی ،کرک اگین رپورٹ
کرکٹ آسٹریلیا اس ہفتے پاکستان کے خلاف ٹیسٹ سیریز اور خاص کر پرتھ میں شیڈول پہلے ٹیسٹ میچ کے لئے اسکواڈ کا اعلان کرنے والا ہے،اہم بات ڈیوڈ وارنر کی ہے کہ وہ پرتھ میں ہونگے یا نہیں۔اس لئے کہ سڈنی میں سیریز کا آخری ٹیسٹ ان کے کیریئر کا آخری میچ ہوگا۔ساتھ ہی کرکٹ آسٹریلیا نے بھارت سے جاری ٹی 20 سیریز کے دوران ہاف درجن کھلاڑی واپس منگوالئے ہیں۔کپتان پیٹ کمنز نے کہا ہے کہ مجھے 2 لفظوں سے نفرت ہے۔
نیو ساؤتھ ویلز اور سڈنی تھنڈر کے آف اسپنر کرس گرین آسٹریلیاکے لئے ڈیبیو کے امکان پر ہیں جسے ہندوستان میں اسکواڈ میں بلایا گیا ہے۔وکٹ کیپر بلے باز جوش فلپ اور بین میک ڈرموٹ بھی بائیں ہاتھ کے تیز رفتار بین ڈوارشوئس کے ساتھ کھلاڑیوں کے ایک گروپ کے ساتھ گوہاٹی میں منگل کے تیسرے میچ کے بعد روانہ ہو رہے ہیں۔
شان ایبٹ، جوش انگلیس، گلین میکسویل، مارکس اسٹونیس، اسٹیون اسمتھ اور ایڈم زمپا ون ڈے ورلڈ کپ جیتنے کے بعد پہلی بار وطن واپس آئیں گے،ان کو بھارت میں جاری 5 میچز کی ٹی 20 سیریز کے دوران کال کرلیا گیا ہے لیکن ورلڈ کپ فائنل کے ہیروٹریوس ہیڈ برقرار ہیں یعنی وہ ٹور ختم کرنے والے واحد کھلاڑی ہوں گے جو ورلڈ کپ میں تھے۔
میک ڈرمٹ اور فلپ ہندوستان پہنچ چکے ہیں جبکہ گرین اور دروشوئس سیریز کے چوتھے میچ کے لیے رائے پور میں جڑجائیں گے۔
ڈیوڈ وارنر کی جنوری میں سڈنی میں الوداعی ٹیسٹ کی امیدیں موسم گرما کے آغاز میں ان کے اسکور پر منحصر نظر آتی ہیں۔رتھ میں 14 دسمبر سے شروع ہونے والی پاکستان کے خلاف تین ٹیسٹ میچوں کی سیریز کے لیے ٹیسٹ سکواڈ کا انتخاب کرنے کے لیے آسٹریلوی سلیکٹرز اس ہفتے ملاقات کریں گے۔ کپتان پیٹ کمنز نے کہا کہ ٹیم کا انتخاب کرتے وقت فارم سب سے اہم ہوگا۔بھارت میں ون ڈے ورلڈ کپ جیتنے کے بعد، آسٹریلیا کے بہترین کرکٹرز پاکستان اور ویسٹ انڈیز کے خلاف ایک اور مصروف پانچ ٹیسٹ موسم گرما میں ایکشن میں واپس آئیں گے۔
منگل کو ایس سی جی میں ورلڈ کپ ٹرافی کے ساتھ بات کرتے ہوئے کمنز سے پوچھا گیا کہ کیا وارنر، 37 سال کی عمر میں پرتھ جانے والی آسٹریلیائی ٹیم میں ہوں گے۔
کمنز نے کہا کہ ٹیم کا انتخاب ابھی تک نہیں ہوا ہے۔ سلیکٹرز شیفیلڈ شیلڈ کے جاری راؤنڈ کے بعد اس کا انتخاب کریں گے۔کمنز نے کہا کہ مجھے 2 لفظوں سے نفرت ہے کہ تھک گئے اوور لوڈ۔فٹ ہیں تو کھیلنا ہے۔نہیں فٹ تو نہین کھیلنا ہے۔
