سیمی فائنلز سے قبل ہی فائنل کے لئے بھیانک پیش گوئی،ریزروڈے پر بھی بارش متوقع
میلبرن،کرک اگین رپورٹ
ٹی ٹوئنٹی ورلڈکپ سیمی فائنلز سے قبل فائنل کے حوالہ سے تشویشناک خبر آگئی ہے۔ایسے میں جب پاکستان اور بھارت فائنل میں آمنے سامنے آگئے تو یہ پریشانی مزید بڑھ جائے گی۔
آسٹریلیا کے محکمہ موسمیات نے دعویٰ کیا ہے کہ اتوار 13 نومبر کو میلبرن میں شدیدبارش کی پیش گوئی ہے اور یہاں تک کہ اس کے متبادل دن پیر کے روز بھی یہی کچھ ہوگا۔
ٹی 20 ورلڈکپ شروعات میں پاکستان اور بھارت کے گروپ میچ پر بھی یہی بادل تھے لیکن عین وقت پر موسم ٹھیک ہو گیا تھا۔یہ الگ بات ہے کہ اس کے بعد یہاں شیڈول متعدد میچز بارش میں بہہ گئے۔ان میں انگلینڈ اور آسٹریلیا کا بڑا میچ بھی تھا۔
سیمی فائنل،سڈنی کے موسم اور پچ کی تازہ ترین رپورٹ
بیورو آف میٹرولوجی نے اتوار13 نومبر کو بارش کا 95 فیصد امکان ظاہر کیا ہے، پیش گوئی جو کی گئی ہے اس کے مطابق دوپہر اور شام کے دوران بارشوں میں غیر معمولی اضافہ ہوگا۔ فائنل شام 7 بجے شروع ہونا ہے۔اگر کھیل کو ختم کر دیا گیا تو پیر کو ریزرو ڈے پر سہ پہر 3 بجے میچ شروع ہونا ہے، جس سے ٹیموں کو کھیل کو مکمل کرنے کے لیے تھوڑا اور وقت مل سکتا ہے۔
دی ایج اور دی سڈنی مارننگ ہیرالڈ کے مطابق یہ اوقات براڈکاسٹ معاہدوں کی وجہ سے لچکدار نہیں ہیں، مسائل بہرحال بڑھ رہے ہیں۔
میلبورن کے لا نینا موسم نے ٹی ٹوئنٹی ورلڈ کپ کے متعدد میچزکو تمام نقصان پہنچایا ہے۔اتوار کے فائنل اور یہاں تک کہ پیر کے ریزرو ڈے کے لیے بھیانک پیشین گوئی سے ایک متحرک ٹورنامنٹ کے غلط انداز میں ختم ہونے کا خطرہ ہے۔ عالمی نشریاتی اداروں کی ترجیحات نے ورلڈ کپ منتظمین کو بہترین موسم میں منتقل کرنے کے لیے پیشہ ورانہ گالف کی وقتی حکمت عملی کا سہارا لینے سے روک دیا ہے۔
